Guyz this is the weirdest idea which was running through my mind. pls let me know what you think about it.


kish-kinda rajya

Aaj 'kish-kinda rajya' main bohaut khushi ka din hai, poore sheher main shehnaiya gunj uthi hai, sabhi mithaiya baat rahe hai kyunki aaj rajya ko naya RAJA milne wala hai.

Maharaja Pradyuman aapni wirasat naye raja ko dene wale hai. Intejar ki ghaddi khatam ho gayi, Maharaja Pradyuman aapne shamiane se nikalkar janta ke samne samne aate hi sabhi logon ne unka jay-jaykar shuru kar diya, "Maharaja Pradyuman ki jay ho!Maharaja Pradyuman ki jay ho!" Maharaja Pradyuman ne ishare se sabko shaant rehne ke liye kaha.

Maharaja Pradyuman (PR) : mere priya wasiyo, aap sabne mujhe itne saalon se joh aadar aur pyaar diya hai, mere aur mere nyay ke upar wishwas rakha in sab ke liye main aap sab ka the dil se shukriya karna chahta huin….Iss rajya main aage bhi kayde, kanoon aur iss rajya ki suraksha aise hi barkarar rahe issiliye iss rajya ki poori jimmedari main kartabgar aur mahatwashil aise insaan ke upar denewala huin. Mujhe yakin nahi balki poora wishwas hai ki woh insaan yeh jimmedari poori nishtha aur immandari se nibhayega. Aur yeh jimmedari main..(aur (PR) ne ek talwar uthai aur rajkumar ke haathon main soap di) Rajkumar Abhijeet par sopne wala hu!

Rajkumar Abhijeet ( R.A) : Main Rajkumar Abhijeet yeh jimmedari poori nishta awem imandari se marte dam-tak nibhaunga yeh main aapse waada karta hun. Par, main yeh jimmedari akela nahi sambhalunga balki mera saath mera param- mitra aur bhai se bhi badhkar Rajkumar Daya iss karya main mere saath denge.

( aise kehte hi unnhone Rajkumar Daya ke haathon main talwar rakh di. Sabhi logon ne Rajkumar Abhijeet aur Rajkumar Daya par phoolon ka warshav kiya aur inki jay-jaykar shuru kar rajkumaron ne ek dusre ko gale lagaya.)


Shanti-Nagar

( kish-kinda rajya ke dusri-oar ek dusra rajya basta tha, uss rajya ka naam Shanti-Nagar tha. iss rajya-par Maharaja Salunkhe aur unki rani Maharani Sonali inka rajya tha.)

Maharaja Salunkhe aur Maharani Sonali inhe do santan the,ek rajkumar vivek aur dusri rajkumari muskaan

Maharaja Salunkhe din-bhar ka saara kaam khatam karke, sandhya ke samay apni rani Sonali se milne unke paksh main chale gaye.

Unnhone dekha ki rani kissi chinta main dubi chehre se unki chinta saf jhalak rahi thi. Maharaj unke paas gaye aur unke kandhe par unhone halke se haath rakhkar unka naam pukara.

Maharaja Salunkhe ( M.S) : kya hua Rani Sonali?

Rani Sonali (R.S) : kuch nahi maharaj.

(M.S.): Aapke chehre se saaf jhalak raha hai ki aap kissi chinta se pidit hai. Aur waise bhi aap humse jhoot kab se bolne lag gayi…kayi humse koi bhul…

(R.S) : arre nahi maharaj. Aap yah kaise baat kar rahe hai?

(M.S.):Toh phir baat kya hai?

(R.S) :Darsal hum rajkumari ko lekar thode chintit hai

(M.S): Arre ab kya kar diya humari ladli ne?

(R.S): Aap toh unki swabhaw aur harkatoi se achi tarah wakhif hai, phir bhi humse pooch rahe hai ki aapki ladli ne kya kiya? Agar aap bhul gaye ho toh aapko bata du ki aapki ladli iss saal poore 25 saal ki ho gayi hai. Matlab issi-saal hume unki shaadi karni padegi, par aapki ladli ko toh kissi baat ki jimmedari hi nahi hai, upar se unka gussa, humesha unki naak-par sawar rahta hai. Aise swabhaw ek rajkumari ko shobha nahi deta.

(M.S):Dekhiye Rani-saheba hum jaante hai ki rajkumari thodi naadan hai aur samay ke saath woh bhi aap ki tarah ek acchi rani ban jayegi. Aur raha sawal unke shaadi ka toh 'jodiya toh upar wala banata hai, humare Muskaan ke liye bhi ussne koi toh acha insaan jaroor dhunda hoga, mujhe yakin hai.

(R.S): Maharaj aapne toh unnhe aapne lad aur pyar se bigadkar rakha hai.

(M.S):Dekhiye yeh aap galat keh rahi hai…(shararat se) pyaar toh hum aap ko bhi kuch kaam nahi karte.

(R.S): (sharmate hue) Maharaj aap bhi na.

(M.S): chaliye ab aap aaram kijiye, thak ho gayi hongi aap.

(R.S) : theek hai, maharaj.


kish-kinda rajya

Rajkumari Tasha (R.T)
Rajkumari tasha kafi samay se poore mahal main kissiko dhoondne main lagi thi tab unki nazar mahal ke samne gayi jaha par ek krodhit-hathi khada tha. Aur usske saamne ek insaan khada tha, uss insaan ne ek dhothi pehni thi joh ab tak mitti se pori tarah lat-pat thi, woh insaan bina kissi auzar aur suraksha ke bina uss hathi ke saamne khada tha, poori tarah pasine aur mittise lat-pat uss insaan ki drushti uss hathi-par tikki hue thi. Achanak uss hathi ne uss insaan par hamla kar diya, woh hathi uss insaan ki aur jor se doodta hua aane laga. Rajkumari Tasha yeh sab dekhekar itni dar-gayi ki unnhone unka muh dusri-oar pher-liya. Woh insaan issipal ka intejar kar raha tha, ussne jhat-se apni dayi oar ke khambe par chalan lagayi, aur wahapar rakhe hue ek bade se khambe ko haathi ki oar phenk diya. Haathi iss hamle se aanjaan tha issiliye thode der ke liye woh wahi ruk gaya, issi bat ka fayda uthakar uss insaan ne uss hathi ke pith-par chalang lagayi aur usske gale main ek rassi ka phanda dal diya taki woh jyada hile nahi. Phande ki wajah se haathi ko hilne main mushkil hone lagi aur ussne apni har manli.

Usspar baitha woh insaan, haathi ke iss harkat par muskurane laga, ussne mahawat se haathi ko khaane ke liye dene ko kaha, aur pyaar se usne uss hathi ke pith ko sehelaya aur niche utar gaya.

Rajkumari Tasha dodte hua unke paas gayi.

(R.T) : aapne toh humari jaan hi nikaal di thi. Kya jaroorat thi aapko yeh sab karne ki, pata hai hum kitna dar gaye the.

(R.D): arre shant ho jayiye. Kya itna bhi bharosa nahi hai humpar….aur waise bhi humari behen ki dua hote hua humpar koi musibat aa bhi nahi sakti. Samjhi aap

(R.T): woh sab choddiye yeh bataiye bhaiya kaha hai? Hum unhe subhe se dhoond rahe hai,par woh hume kahi nahi mil rahe.

(R.D): tum to janti ho na tumhare bhaiya ko, dimag main jaise kuch aata hai, chale jaate hain.

(R.T): pata nahi kaha chale gaye hain? agar aaj woh waqt par nahi aaye na, to main unse kabhi baat nahi karungi.


A.N

ok guyz wat do you think abt this? should I continue or DELETE it. pls be frank & tell me.

also if there are any mistakes abt the words pls correct me.

thank you.