Udaypur

Rajkumar Abhijeet ke mashtish main jwala bhadak uthi jab unnhone uss Maharaja ka naam pada. Krodh ke karan unke aankhon main aangaron ka bhaas hone laga. Par phir bhi woh shaant rahe, unnhone apne gusse par niyantran kiya.

Rajkumar Abhijeet:(soch rahe the) yeh ho kaise sakta hai? Yeh toh….. namumkin hai...mere hote hue yeh nahi hoga. joh pehle hua woh phir nahi hoga. Udaypur ke saath main aise nahi hone de sakta. Kadapi nahi…..Mere zinda hote toh bilkul nahi…

Raja Ajatshatru: Rajkumar Abhijeet…(jor se pookarte hain) Rajkumar Abhijeet. Kya hua?

Rajkumar Abhijeet:(apne wichar se bahar aate hain) kuch nahi…. Hume jald se jald ek thos ranneeti banani hogi!


Shaanti Nagar

Rajkumari Muskaan : maa…hum andar aaye?

MahaRani Sonali: aayi aap hi ka intejar kar rahe the.

Rajkumari Muskaan kya hua? daasi keh rahi thi ki aap hume yaad kar rahi thi..

MahaRani Sonali: Hume ek jaroori wishay main aap se waartalap karni hai

Rajkumari Muskaan: kya hua maa? Kuch pareeshaani hai?

Maharani Sonali : shayad haan, hume rajkumar vivek ke bare main chintit ho rahe hain.

Rajkumari Muskaan:kya hua maa?

Maharani SonaliHum kuch dino se unnhe dekhe rahe hai. Woh har roj sandhya ke samay bhar jaate hai aur kafi der baad laut aate hain…hume toh unki kaafi chinta ho rahi hai…aapko issbare main kuch pata hai?

Rajkumari Muskaan : maa hume iss bare main kuch pata hum patakarkar rahenge, aap nischint rahiye.

Maharani Sonali :theek hai, par haan agar chintajanak baat hogi toh aap bina kissi ka wilamb karke hume turant bataingi, akele koi kadam nahi uthayangi, samjhi aap?

Rajkumari Muskaan : theek maa. Hum aate hain..


Udaypur

Rajkumar Abhijeet aur Raja Ajatshatru poore yudh ki rananiti bana na main joot jate hain. Hamla kaha se hoga, sainiko ke sthaan kahahoge, tof kaha par lagai jayegi innki yojna banate hai…kaafi soch-wichar ke baad yudha ki poori ranneeti banayi jaati hai. Raja Ajatshatru iss poore yojne se sehmati darshate hain par phir bhi aapne rajya ki chinta unnhe satati rehti hain.

Raja Ajatshatru: (chinta se) Aap ko pura yakin hai ki hum jeet payenge?

Rajkumar Abhijeet : hum jaante hain ki, aap ko aapne rajya ki chinta hai aur yeh ekdam swabhavik hai. har Raja chahega ki Uss ka Rajya kabhi naa hare..theek ussi tarah jaisa aap nahi chahenge ki Udaypur ki haar ho...issiliye hum aakhri waqt tak haar nahi manenge humse jitna prayas hoga utna hum karengeaur aakhri dam tak karenge yeh mere aap se waada hai.. aage toh sab Upar wale ke hath main hai...

(Tab ek sewak aata hain, aur Raja Ajatshatru ke haath main ek chitti deta hain)

Sewak: Maharaj yeh chitti hume apne ghode par lagayi hui mili. iss chiti par aapka naam likha hua hai..

Raja Ajatshatru: theek hai, ab aap jaiye...


Shaanti Nagar

Rajkumar Vivek sabki nazaron se chipkar kahi jaane ka prayaas kar rahe the, Unnhone saare jagah ka muaaine kiya aur jab saab theek laga tab unnhone aapne ghode ki lagam khinchi aur chal pade apni manzil ki taraf iss bat se bekhabar ki unnki inn harkatopar koi nigahe gada ke baitha hai.


Udaypur

( sewak ke jaane ke baad, Raja Ajatshatru woh chitti kholte hain aur padhte hain. jaise hi woh chitti padte hain ,woh chauk jaate hain, aur woh chitti Rajkumar Abhijeet ko suprud karte hain, ,unki halat bhi Raja ki tarah ho jaati hain)


Uss Chitti main likha hota hai ki,

Raja Ajatshatru,

Aap ke Rajya par kal Suryo-Daya ke waqt hamla hoga, aur yeh hamla aapke rajya ke Uttar wibhag se hoga kyunki waha aap ke kaafi kam sainik hain aur hamle karne waale uttar ki oar se kaafi jyada matra main honge, Dakshin ki tatse kaafi kum hamlawar honge aur woh sirf aapki dishabhul karenge. Issiliye Iss baat ko dhyan main rakhe yojna banaiye. Aur ek baat iss baat ko jara bhi mazak samjhne ne ki galati naa karna agar aapne yeh galati ki, toh isske anjaam aapke aur aapke poore rajya ko bhugtne padenge!

Phoenix


Jaise hi Rajkumar Abhijeet khat ka aakhri shabd padte hain, unnki chehre par ek choti se hassi ummatti hai.

Raja Ajatshatru: Rajkumar Abhijeet aap muskura kyu rahe hain? hume toh kuch samaj main nahi aaraha?

Rajkumar Abhijeet: Maharaj ab aap nischint rahiye, ab aapke Udaypur par koi aanch nahi aayegi,

Raja Ajatshatru: aap itna yakin ke saath kaise keh sakte hain?

Rajkumar Abhijeet: yeh naam dekhiye, humne iss naam ke bare main kaafi suna hai. Ki yeh naam humesha Sachai ka saath deta hain, issne kai sare rajya ki madad ki hai..Ab aap bephikar rahiye, ab Udaypur ka koi baal bhi baaka nahi kar sakta.

Raja Ajatshatru: aap ko yakin hai ki hume isski baat mani chahiye?

Rajkumar Abhijeet: ji haan . ,meri maniye isspar hum aankh band karke wishwas kar sakte hain.

Raja ajatshatru: theek hai, jaise aap theek samjhe.

( Aur woh ekbaap phir Ranneeti mana ne main joot jaata hain. Aakhir main, sab tai ho jaata hain.)


Kishta-Kinda Rajya

Rajkumari Tasha apne kaksh ki khidki se bhaar ke naazare dekhti rehti hain, jab unnhe ek halkisi awaaz sunaai deti hain, woh uss awaaz ki oar dekhne lagti hain. tab unnki nazar niche khade ghode par sawar ek yuwak par padti hain uss yuwak ko dekhekar Rajkumari Tasha manhiman muskurati hain...

woh yuwak bhi unnhe bina palke hilaye dekhta hi rahte hain, unnhe yeh bhi aabhas nahi hota ki koi unnpar naazare taane khaada hain...


Udaypur

Sab tai hone ke baad,Raja Ajatshatru apne ek sewak se Rajkumar Abhijeet ke liye kuch khaane ka prabhand karne ke liye kaha.

Raja Ajatshatru: Rajkumar Abhijeet aap aapko aaram karna chahiye. Safar se aapko bohaut kasht hue honge issiliye aap ab apne kaksh main jakar aaram farmaiye. Main aapne sewak ko ke haatho aapke liye uttam bhojan ka prabhodan karta hu. Aapke kaksh main aapke jarrorat ki saari chize rakhi hai, phir bhi agar kissi chiz ki aapko jaroorat ho, toh bina kissi sankoch ke bataiye….

Rajkumar Abhijeet: ji jaroor… Kal suryoday hote hi, hum aapne yojna ko wastwik roop denge issiliye, aap bhi aaram kar lijiye. Kal humare liye aur Udaypoor ke sabhi rahiwasiyon ke liye bada hi mahatwapoorna din hai.

Raja Ajatshatru: theek kaha aapne. Ab toh jeet humari aur Udaypur ki hai.

Rajkumar Abhijeet: Sahi farmaya aapne.


Kisht-kinda rajya

Rajkumar Daya aapne Bagiche main tehle rahe hote hai, tab unnki nigaahe kissi safed chiz par padti hain, woh chupkar uss safed chiz ki taraf badte hain, woh chiz ek padke picche khaadi hoti hai, Rajkumar Daya uss chiz ko dhyaan se dekne ki koshish karte hain. par andhere ki wajah se unnhe saaf nazar nahi aata, issiliye woh uss chiz ke karib jaane lagte hain..

kareeb jaane par unnhe samaj aata hain ki woh safed chiz koi insaan hai, woh jhaat jakar uss insaan ko piche se pakdne jaate hain par woh insaan achanak mud jaate hain, woh insaan haala na machaye aur bhaag na jaaye issliye Rajkumar Daya usse kaskar pakad lete hain, ek haath se woh uss insaan ka muh dhaak dete hain taaki woh chillaye nahi aur doosre haath se woh uss insaan ke haath pakad lete hain. Rajkumar Daya ke takad ke aage woh insaan majboor ho jaata hain aur aapne aap ko chudda nahi pata.

Rajkumar Daya: kaun ho tum? aur yaha kya kar rahe ho?( woh insaan kuch bolta hi nahi kyuki abhitak Rajkumar Daya ne usske muh par se haath hi nahi hataya iss batse anjaan Rajkumar Daya uss insaan se lagatar yehi sawaal pooch the hain)

Tab chaand ki halki se roshni uss insaan ke chehre par padti hain, uss insaan ka chehre nazar aane lagta hain...

Rajkumar Daya ki nazar uss chehre par padi, khaskarke unn nigahon main. aur woh baas dekhte hi rahe gaye...


Udaypur

Doosre din suryoday hote hi, Raja Ajatshatru ne Rajkumar Abhijeet ki sahyata se se poori ranneti ko roop diya. Saari chize yojna ke prati hi ho rahi thi. Aur phir yudha ka dankara bajte hi;

Kafi bhaari tannat main Adaitya Rajye ke sainikone Udaypur par hamla kiya, Udaypur ke sainikone bhi bohaut hi bahaduri se unnka dat ke samna kiya,baad main bhaari tanat main Udaypur ke sainiko ne tof ke gole aur haathi se hamla karna chaalu kar diya,Adaitya ke sainik iss hamle se waqif nahi the, achanak hue hamle se woh boqhla gaye aur aapni jaan baachne ke liye piche bhagne lage. Dekhte hi dekhte saare sena ne haar manli aur Udaypur ki jeet hui.

Udaypur ke sainik aur rahewasiyoun ne jeet ke dankaare bajane shuru kar diye. Rajkumar Ajatshatru ne Rajkumar Abhijeet se aabhar prakat kiya..uss din Udaypur ko naaya jeevan mila tha. Issiliye Udaypur ke rahwasi jashn mana rahe the, kuch log khushi se naach rahe the, mithai baati jaarahi thi…Rajkumar Abhijeet ke chehra par ek halki se muskaan jhalak rahi thi.

Rajkumar Abhijeet: aaj humari mulaqat nahi toh kya? Mujhe uss din ka intejar rahega jab aap humare samne honge. Aaj yeh humare ladai ki meri pehli jeet hai… dekhte hi dekhte main aapka poora samrajya tehes-mehes kar dunga. Aapki halat bat se batar kar dunga. Yeh waada hai mera aapse Adaitya ke Maharaja Shamshersingh….


Adaitya Rajya

Mahal ke Darbar main kaafi der se garjaana ho rahi thi, poori mahal ki deeware maano hil rahi thi, aisa lag raha tha maano bhukamp aa gaya ho, saare Darbari Darr ke mare kamp uth rahe the, itne kamp uth rahe the. Kiisi ki bhi himmat nahi ho rahi thi, ek bhi shabd bolne ki, phir ek baar garjana hui

"ho kaise sakta hai yeh?Adaitya Rajya ki haar? Aur who bhi ek durbal rajya se..Main Soch bhi nahi sakta! Kya kar rahe the aap log? Jab Adaitya Rajya ka naam mitti main mil gaya. Mujhe toh sharam aati hai apne aap par. Kaise logon ko maine aapni rajya ki jimmedariyan sopi hai?

Tab ek yuvak bol utha: Maharaj shaant ho jaiye. Krodh se kuch nahi hoga, aap humari baat suniye, …

Maharaj Shamshersingh: Shaant ho jaiye? Adaitya Rajya ka naam mitti main mil gaya aur aap chahthe hain ki hum shaant ho jaiye? Ab kya suna baaki hai?

Yuvak : aapko humpar jaara bhi wishwas nahi hai?

Maharaj Shamshersingh: yeh aap kaise baat kar rahe hain, Rajkumar Daksh. Hum aapar aapne bête se bhi jyada wishwas rakhte hain, aap jaante hai yeh baat?

Rajkumar Daksh: hain na, toh humari baat suniye, Adaitya Rajya ki haar do wajah se hui hai, pehli wajah yeh hai ki unnhe humari ranneeti ka paata chal gaya tha aur doosri…

Maharaj Shamshersingh: :Doosri kya?

Rajkumar Daksh: :Maharaj doosri wajah hai, Rajkumar Abhijeet. Udaypur ke Raja Ajatshatru ne Kisht-kinda Rajya ke Rajkumar Abhijeet ki madad lit hi, aur unnke bare main, main aap se kya kahu? Aap mere se bhi behtaar jaante hain?

Maharaja Shamshersingh:Haan. Rajkumar Abhijeet..Kaise bhool sakta hu, unnhe main?unka jald se jald kuch karna padega, jald….

Rajkumar Daksh: par maharaj humari ranneeti unn tak pohaunchi kaise?

Maharaja Shamshersingh:Usski chinta aap mat karo, hum jaante hain woh kaun hai, unnka intejam bhi karte hai hum.

Aap ek kaam kijiye…


Udaypur

teen din ke baad Rajkumar Abhijeet apne rajya kish-kinda ke liye nikaal padte hain.

Raja Ajatshatru: shukriya! Aap ka teh dilse shukriya. Agar aap na hote toh aaj udaypur bhi nahi hota. Poore udaypur main khooni ki nadiya bahi hote aur saare ghar main mayusi aur dukh ke badal chaye hote..pata nahi aapka aur maharaj pradyuman ka shukriya main kiss muh se adaa karu? Aap sabka mujh par yeh ehsaan rahega…

Rajkumar Abhijeet: ab yeh kehkar hume sharminda kar rahe hai..Dekhiye main koi ehsaan nahi kiye hai, yeh toh farz hai..ab mujhe chalna chahiye…

Woh ek dusre ko alingan dete hai aur nikaal padte hain…iss baat se anjaan ki aage unpar musibaaton ka pahad tutne waala hai


Anand-van

Ek jakhmi, khoon se latpat aadmi ko, do log utha ke late hain. Who aadmi poori tarah se jakhmi hota hai, usske sharer par kaafi ghaw rehte hain, saare kapde khoon se larpat hue hote hai, aise awastha main woh do log use Aanand-wan ashram main le aate hain.

Woh log uss aadmi ko theek se ek jagah par rekhte hain, unnmain se ek apne Guru ko bulaane chaala jaata hain aur dusra uss aadmi ke sharir se behne waale khoon ko rokhne ki prayas main laaga rehta hain..

Tab uss ashram ke Guru waha par aate hain aur usse dekhne lagte hain, woh apne shishyonse ashram ke waidya ko bulaane ke liye kehte hain…

Guru: jao jaldi jaakar Aaka ko bula lao...

Shiishya : ji baba...( aur woh dodte hue jaata hai)


A.N

ok thanx for the reviews guyz. & pls let me know if i commit any mistakes.

Thanx to DK for suggesting the name for kingdom. i.e Adaitya.

& good guess DF & guests. keep guessing for this chap too. &

ok now guessing time

Kyun hai Rajkumar Abhijeet Aur Maharaj Shamshersingh main itni nafrat? aur kaun hai jiissne Adaitya ki ranneeti ke baare main Udaypur ko baataya?